之后豪b就揽住我过马路，我个心唔知点解好开心。我感受到佢身体既体温，胸膛之后，重有香水既味道。我好似一个少女咁，超级唔好意思。当我到左巴士站，定一定神之后，我本能反应推开左豪b！
我：「你排住队！巴士到左，我同你上车！」
点知，巴士好快到左。我同豪b坐埋一齐，大家都好似好累。但平时我係巴士係训唔到，眼见豪b係我旁边训左，佢个头就放左係我肩头上面。呢一刻，我再谂起果日发生既事。望一望豪b熟睡既样，我真係唔想佢再因为钱出卖自己。我好小心咁除左件西装外套，好怕整醒豪b，之后放左件外套係佢身上。不知不觉间，我只手就係外套底上，拖住左豪b……
喜欢港仔系列-保险呀晨请大家收藏：(m.99dshu.cc),笔趣阁小说网更新速度最快。